ୟୁଏଆଇଏଲ୍ ପକ୍ଷରୁ ମେଗା ରକ୍ତଦାନ ଶିବିର: ୮୦ତମ ସ୍ୱାଧୀନତା ଦିବସରେ ୨୩୫ ୟୁନିଟ୍ ରକ୍ତ ସଂଗୃହୀତ
୮୦ତମ ସ୍ୱାଧୀନତା ଦିବସ ଅବସରରେ ରାୟଗଡ଼ା ସ୍ଥିତ ଆଦିତ୍ୟ ବିର୍ଲା ଗ୍ରୁପ୍ର 'ଉତ୍କଳ ଆଲୁମିନା' (ୟୁଏଆଇଏଲ୍) ସିଏସଆର ବିଭାଗ ଏବଂ ଜିଲ୍ଲା ମୁଖ୍ୟ ଚିକିତ୍ସାଳୟର ମିଳିତ ଆନୁକୂଲ୍ୟରେ ଏକ ମେଗା ରକ୍ତଦାନ ଶିବିର ଆୟୋଜିତ ହୋଇଯାଇଛି। ନୂଆପଡ଼ା ଟାଉନସିପ୍ କ୍ଲବ୍ ହାଉସ୍ରେ ଆୟୋଜିତ ଏହି ଶିବିରରେ କମ୍ପାନୀ କର୍ମଚାରୀ ତଥା ସ୍ଥାନୀୟ ଲୋକଙ୍କ ବିପୁଳ ସମର୍ଥନ ଦେଖିବାକୁ ମିଳିଥିଲା। ୟୁନିଟ୍ ମୁଖ୍ୟ ରବି ନାରାୟଣ ମିଶ୍ରଙ୍କ ଦ୍ୱାରା ଉଦ୍ଘାଟିତ ଏହି ଶିବିରରୁ ସର୍ବମୋଟ ୨୩୫ ୟୁନିଟ୍ ରକ୍ତ ସଂଗ୍ରହ କରାଯାଇଛି, ଯାହାକି ସମାଜ କଲ୍ୟାଣ ଦିଗରେ ଏକ ମହତ୍ ପ୍ରୟାସ ଅଟେ।
ରାୟଗଡ଼ା,୧୭/୮(ଓ-ଖବର)- ୮୦ତମ ସ୍ୱାଧୀନତା ଦିବସ ଅବସରରେ ଆଦିତ୍ୟ ବିର୍ଲା ଗ୍ରୁପ୍ର ହିଣ୍ଡାଲକୋ ଇଣ୍ଡଷ୍ଟ୍ରିଜ୍ର ସହଯୋଗୀ କମ୍ପାନୀ 'ଉତ୍କଳ ଆଲୁମିନା' (ୟୁଏଆଇଏଲ୍) ପକ୍ଷରୁ ଏକ ମେଗା ରକ୍ତଦାନ ଶିବିର ଆୟୋଜିତ ହୋଇଯାଇଛି। କମ୍ପାନୀର ସିଏସଆର ବିଭାଗ ଏବଂ ଜିଲ୍ଲା ମୁଖ୍ୟ ଚିକିତ୍ସାଳୟର ମିଳିତ ଆନୁକୂଲ୍ୟରେ ସ୍ଥାନୀୟ ନୂଆପଡ଼ା ଟାଉନସିପ୍ ସ୍ଥିତ କ୍ଲବ୍ ହାଉସ୍ଠାରେ ଏହି ଶିବିର ଅନୁଷ୍ଠିତ ହୋଇଥିଲା।
"ରକ୍ତ ଦାନ, ମହତ ଦାନ" ବାର୍ତ୍ତାକୁ ନେଇ ଆୟୋଜିତ ଏହି ଶିବିରରେ ସ୍ଥାନୀୟ ଜନସାଧାରଣ ତଥା କମ୍ପାନୀର କର୍ମଚାରୀମାନଙ୍କ ମଧ୍ୟରେ ପ୍ରବଳ ଉତ୍ସାହ ଦେଖିବାକୁ ମିଳିଥିଲା। ସମସ୍ତଙ୍କ ସକ୍ରିୟ ଯୋଗଦାନ ଫଳରେ ଏହି ଶିବିରରୁ ସର୍ବମୋଟ ୨୩୫ ୟୁନିଟ୍ ରକ୍ତ ସଂଗ୍ରହ କରାଯାଇପାରିଛି।
ୟୁଏଆଇଏଲ୍ର ୟୁନିଟ୍ ମୁଖ୍ୟ ଶ୍ରୀ ରବି ନାରାୟଣ ମିଶ୍ର ଏହି ଶିବିରକୁ ଆନୁଷ୍ଠାନିକ ଭାବେ ଉଦ୍ଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ ସିଏସଆର ମୁଖ୍ୟ ଶ୍ରୀମତୀ ଲୋପାମୁଦ୍ରା ମିଶ୍ର, ପ୍ଲାଣ୍ଟ ସିଏସଆର ମୁଖ୍ୟ ଶ୍ରୀ ଦିଗନ୍ତ ମହାନ୍ତିଙ୍କ ସମେତ ବରିଷ୍ଠ ପରିଚାଳନା ଦଳର ପ୍ରମୁଖ ସଦସ୍ୟମାନେ ଉପସ୍ଥିତ ଥିଲେ। ଏଥିସହିତ ଉତ୍କଳ ହସ୍ପିଟାଲର ସିଏମ୍ଓ ଡା. ରଞ୍ଜନ କୁମାର ଲେଙ୍କା, ଡା. ରାଜେନ୍ଦର ମଣ୍ଡଳ ଏବଂ ରିଫାଇନେରୀ ଇଞ୍ଜିନିୟରିଂର ଏଭିପି ଶ୍ରୀ ଗିରିଜା ପଣ୍ଡା ଉପସ୍ଥିତ ରହି ଶିବିରର କାର୍ଯ୍ୟକଳାପକୁ ତଦାରଖ କରିଥିଲେ।
ଏହି ମେଗା ରକ୍ତଦାନ ଶିବିରକୁ ସଫଳତାର ସହ ପରିଚାଳନା କରିବାରେ ସିଏସଆର ଟିମ୍ର ସଦସ୍ୟମାନେ ପ୍ରମୁଖ ଭୂମିକା ଗ୍ରହଣ କରିଥିଲେ। ସେମାନଙ୍କ ମଧ୍ୟରେ ସୁଧୀର କୁମାର ନାୟକ, ରୁପେନ ପଟ୍ଟନାୟକ, ସୌମ୍ୟ ରଞ୍ଜନ ସ୍ୱାଇଁ, ଗଜେନ୍ଦ୍ର ନାଏକ, ସତ୍ୟଭାମା ନାୟକ, କାର୍ତ୍ତିକେଶ୍ୱର ସାହୁ, ମୋହିନୀ ନାଏକ, ଗୌରୀ ଶଙ୍କର, ସସ୍ମିତା, କାମଦେବ, ବାଦଲ, ଲିଜା, ହେମଲତା, ନିରୂପମା ଓ ଦେବୀ ପ୍ରମୁଖ ସକ୍ରିୟ ସହଯୋଗ ପ୍ରଦାନ କରିଥିଲେ।
ଏହି ଖବର ଆପଣଙ୍କୁ ସାହାଯ୍ୟ କଲା କି?