ପିଲାମାନଙ୍କ ସହିତ ସ୍ୱାଧୀନତା ଦିବସ ପାଳନ କଲା ରୋଟରାକ୍ଟ କ୍ଲବ ଭୁବନେଶ୍ୱର ତୋଷାଳି

ଭୁବନେଶ୍ୱର,୧୫/୮(ଓ-ଖବର)- ଭୁବନେଶ୍ୱର ସ୍ଥିତ ଶିଶୁ ମନ୍ଦିର ଠାରେ ଶୁକ୍ରବାର ରୋଟରାକ୍ଟ କ୍ଲବ ଭୁବନେଶ୍ୱର ତୋଷାଳି ପକ୍ଷରୁ ମହାସମାରୋହରେ ଏବଂ ଦେଶଭକ୍ତିର ଭାବନା ସହିତ ସ୍ୱାଧୀନତା ଦିବସ ପାଳିତ ହୋଇଯାଇଛି। ଏହି କାର୍ଯ୍ୟକ୍ରମରେ ରୋଟାରାକ୍ଟର ସଭାପତି ଅମିତ କୁମାର, ତିଳୋତ୍ତମା ବେଉରିଆ, ପୂର୍ବତନ ସଭାପତି ଶାଶ୍ୱତ ସାହୁ, ଆଇନଜୀବୀ ସୁକାନ୍ତ କୁମାର ସାହୁ, ସ୍ମୃତି ସାଧନା ସାହୁ, ବନ୍ଦିତା ପଣ୍ଡା ଏବଂ ଅନ୍ୟାନ୍ୟ ସଦସ୍ୟ ତଥା ଅତିଥିମାନେ ଯୋଗ ଦେଇଥିଲେ।

ଏହି ଅବସରରେ ପିଲାମାନଙ୍କ ପାଇଁ ବକ୍ତୃତା, ଦେଶାତ୍ମବୋଧକ ସଙ୍ଗୀତ ଏବଂ ସମୂହ ନୃତ୍ୟ ସମେତ ବିଭିନ୍ନ ପ୍ରତିଯୋଗିତାର ଆୟୋଜନ କରାଯାଇଥିଲା। ପିଲାମାନେ ଅତ୍ୟନ୍ତ ଉତ୍ସାହର ସହିତ ଏଥିରେ ଅଂଶଗ୍ରହଣ କରି ନିଜର ପ୍ରତିଭା ଏବଂ ସୃଜନଶୀଳତା ପ୍ରଦର୍ଶନ କରିଥିଲେ।

କାର୍ଯ୍ୟକ୍ରମରେ ଜାତୀୟ ପତାକା ଉତ୍ତୋଳନ କରାଯିବା ସହ ପିଲାମାନଙ୍କୁ ମିଠା ବଣ୍ଟନ କରାଯାଇଥିଲା। ବିଭିନ୍ନ ପ୍ରତିଯୋଗିତାରେ ନିଜର ଉଲ୍ଲେଖନୀୟ ପ୍ରଦର୍ଶନ କରିଥିବା ବିଜୟୀ ପିଲାମାନଙ୍କୁ ପୁରସ୍କାର ମଧ୍ୟ ପ୍ରଦାନ କରାଯାଇଥିଲା।

ଏହି ଉତ୍ସବ ପିଲାମାନଙ୍କ ମଧ୍ୟରେ ଦେଶଭକ୍ତି, ଆନନ୍ଦ ଏବଂ ଉତ୍ସାହର ପରିବେଶ ସୃଷ୍ଟି କରିଥିଲା। ଆୟୋଜକମାନେ ଛାତ୍ରଛାତ୍ରୀମାନଙ୍କର ଅଂଶଗ୍ରହଣକୁ ପ୍ରଶଂସା କରିଥିଲେ ଏବଂ ଯୁବ ପ୍ରତିଭାକୁ ପ୍ରୋତ୍ସାହିତ କରିବା ସହ ଦେଶଭକ୍ତି ତଥା ଜାତୀୟ ଏକତାର ମୂଲ୍ୟବୋଧ ଜାଗ୍ରତ କରିବାର ଗୁରୁତ୍ୱ ଉପରେ ଆଲୋକପାତ କରିଥିଲେ।