ରୋଟାରୀ କ୍ଲବ ଭୁବନେଶ୍ୱର ତୋଷାଳି ପକ୍ଷରୁ ବେଣୁପୁରର ଗରିବ ଚାଷୀଙ୍କୁ ଧାନ ତଳି ଓ ଶାଢ଼ୀ ବଣ୍ଟନ

ଭୁବନେଶ୍ୱର,୧୪/୮(ଓ-ଖବର)- ସମାଜ ସେବା ତଥା ଗରିବ ଅସହାୟ ଲୋକଙ୍କୁ ସାହାଯ୍ୟ କରିବା କ୍ଷେତ୍ରରେ ରୋଟାରୀ କ୍ଲବ୍ ସର୍ବଦା ଆଗଭର। ଏହି କ୍ରମରେ ଗତ ୧୨ ଅଗଷ୍ଟ ୨୦୨୬ ତାରିଖ ଦିନ ରୋଟାରୀ କ୍ଲବ ଭୁବନେଶ୍ୱର ତୋଷାଳି ପକ୍ଷରୁ ଏକ ପ୍ରଶଂସନୀୟ ପଦକ୍ଷେପ ଗ୍ରହଣ କରାଯାଇଛି। ବାଲିଅନ୍ତା ତହସିଲ ଅନ୍ତର୍ଗତ ବେଣୁପୁର ଗ୍ରାମରେ ଥିବା ଗରିବ ଚାଷୀମାନଙ୍କୁ କ୍ଲବ୍ ପକ୍ଷରୁ ମାଗଣାରେ ଧାନ ତଳି ବଣ୍ଟନ କରାଯାଇଛି। ଚାଷକାର୍ଯ୍ୟରେ ପ୍ରୋତ୍ସାହନ ଯୋଗାଇଦେବା ସହିତ ଗାଁର ଗରିବ ମହିଳା ଚାଷୀମାନଙ୍କୁ ମଧ୍ୟ ଶାଢ଼ୀ ବଣ୍ଟନ କରାଯାଇ ସମ୍ମାନିତ କରାଯାଇଛି।

ଏହି ମହତ କାର୍ଯ୍ୟକ୍ରମ ରୋଟାରିଆନ୍ ସୁକାନ୍ତ କୁମାର ସାହୁଙ୍କ ଆବାହକତ୍ୱ ତଥା ସଭାପତିତ୍ୱରେ ପରିଚାଳିତ ହୋଇଥିଲା। ଏଥିରେ କ୍ଲବର ସଭାପତି ପ୍ରଶାନ୍ତ କୁମାର ମିଶ୍ର, ସମ୍ପାଦକ ରୋଟାରିଆନ୍ ହରପ୍ରସାଦ ମିଶ୍ର, ରୋଟାରିଆନ୍ ତରୁଣ ଅଗ୍ରୱାଲ, ରୋଟାରିଆନ୍ ନିରଞ୍ଜନ ମଙ୍ଗରାଜ ଏବଂ ରୋଟାରିଆନ୍ ମାଣିକ୍ୟ ଦିଗଲ ପ୍ରମୁଖ ଯୋଗ ଦେଇ ଚାଷୀମାନଙ୍କୁ ଉତ୍ସାହିତ କରିଥିଲେ।

ଏହି କାର୍ଯ୍ୟକ୍ରମକୁ ସାଫଲ୍ୟମଣ୍ଡିତ କରିବାରେ ଯୁବ ରୋଟାରାକ୍ଟର ଶାଶ୍ୱତ ସାହୁ ଏବଂ ଅମିତ କୁମାର କୁଅଁର ନିଜର ବହୁମୂଲ୍ୟ ସମୟ ପ୍ରଦାନ କରିଥିଲେ। ଚାଷୀମାନଙ୍କ ଉନ୍ନତି ପାଇଁ ରୋଟାରୀ କ୍ଲବ ଭୁବନେଶ୍ୱର ତୋଷାଳିର ଏହି ପ୍ରୟାସକୁ ସ୍ଥାନୀୟ ବାସିନ୍ଦା ଏବଂ ବୁଦ୍ଧିଜୀବୀ ମହଲରେ ବେଶ୍ ପ୍ରଶଂସା କରାଯାଇଛି।