🚨 ଗୁଣପୁରରେ ହାତୀ ଆତଙ୍କ: କୋତାଗୁଡ଼ା ଗ୍ରାମ ନିକଟରେ ଘୁରି ବୁଲୁଛନ୍ତି ୪ ଟିକିଆ ହାତୀ ପଲ

ଗୁଣପୁର,୧୩/୭(ଓ-ଖବର)- ଅଞ୍ଚଳରେ ଏବେ ଦେଖାଦେଇଛି ହାତୀ ଆତଙ୍କ। ଗୁଣପୁର ବ୍ଲକ ଜଗନ୍ନାଥପୁର ଗ୍ରାମପଞ୍ଚାୟତ ଅନ୍ତର୍ଗତ କୋତାଗୁଡ଼ା ଗ୍ରାମ ନିକଟରେ ଏକ ୪ ଟିକିଆ ହାତୀ ପଲ ଘୁରି ବୁଲୁଥିବାର ଖବର ମିଳିଛି। ଜଙ୍ଗଲିଆ ରାସ୍ତା ଦେଇ ଏହି ହାତୀ ପଲ ଗାଁ ମୁହାଁ ହେଉଥିବାରୁ ସ୍ଥାନୀୟ ଲୋକଙ୍କ ମଧ୍ୟରେ ଭୟ ଓ ଆତଙ୍କର ପରିବେଶ ସୃଷ୍ଟି ହୋଇଛି।"

"ବିଶେଷ କରି ଚାଷୀମାନେ ନିଜ ଫସଲକୁ ନେଇ ଘୋର ଚିନ୍ତାରେ ଅଛନ୍ତି। ଯଦି ହାତୀ ପଲ ଗାଁ କିମ୍ବା ଚାଷ ଜମିରେ ପ୍ରବେଶ କରନ୍ତି, ତେବେ ବ୍ୟାପକ କ୍ଷୟକ୍ଷତିର ଆଶଙ୍କା ରହିଛି। ଏହି ପରିସ୍ଥିତିକୁ ଦୃଷ୍ଟିରେ ରଖି ତୁରନ୍ତ ପଦକ୍ଷେପ ନେବାକୁ ଗ୍ରାମବାସୀ ବନ ବିଭାଗ ନିକଟରେ ଦାବି କରିଛନ୍ତି। ହାତୀ ପଲଙ୍କୁ ସୁରକ୍ଷିତ ଭାବେ ଜଙ୍ଗଲକୁ ଘଉଡ଼ାଇବା ପାଇଁ ଲୋକେ ନିବେଦନ କରିଛନ୍ତି।"